कैलालीको धनगढी–अत्तरीया सडक खण्डको मनहरामा गाडीले कुल्चिएर एक जनाको मृत्यु भएको छ ।
प्रहरीले मनहरा पुल नजिक राति करीव १०:३० बजे गाडीले कुल्चिएर अन्दाजी २५ वर्षका एक जनाको मृत्यु भएको जनाएको छ । मृतकको पहिचान खुल्न सकेको छैन । गाडीको पांग्राले कुल्चिएका कारण अनुहार क्षतबिक्षत छ । जस कारण मृतकको पहिचान हुन सकेको छैन । साथै ती युवकलाइ कुल्चिने गाडीको समेत पहिचान हुन सकेको छैन । यद्दपि अत्तरीयाबाट धनगढी आउदै गरेको गाडीले ती युवकलाई कुल्चिएको प्रहरीको अनुमान छ ।
जिल्ला प्रहरी कार्यालय कैलालीका प्रमुख प्रहरी उपरीक्षक बिश्व अधिकारीले मृतकको पहिचानका लागि प्रयास जारी रहेको र गाडीको खोजी तिब्र पारिएको बताए ।
मृतकको साथमा व्याग रहेको र व्यागसंगै रक्सीको बोतल समेत बरामद भएको छ ।