शिक्षा मन्त्रालयले माघ १५ देखि २० गतेसम्म विद्यालय खोलेर खोप अभियान सञ्चालन गर्न विद्यालयहरूलाई निर्देशन दिएको छ । स्थानीय तहको समन्वयमा स्वास्थ्य चौकीसँग सम्पर्क गरेर विद्यार्थीहरूलाई खोप लगाउन मन्त्रालयले भनेको छ ।
मन्त्रालयले खोप लगाएका विद्यार्थीहरूको विवरण अध्यावधिक गर्न पनि देशभरका विद्यालयहरूलाई निर्देशन दिएको छ । नामनामेसी (नाम, थर, वतनलगायत) सहितको विवरण अध्यावधिक गर्न र खोप लगाउन बाँकी विद्यार्थीहरूले खोप लगाएको सुनिश्चित गर्न मन्त्रालयले सूचना जारी गर्दै जनाएको छ ।
संक्रमणका कारण माघ १५ गतेसम्मका लागि देशभरका विद्यालय बन्द छन् ।