बैतडी बस दुर्घटना : ८ जना घाइतेको पहिचान खुल्यो (नामसहित)

धनगढी खबर    

बैतडी बस दुर्घटना  : ८ जना घाइतेको पहिचान खुल्यो (नामसहित)
फाइल तस्विर

बैतडी । बैतडीमा बिहीबार बिहानै ३२ यात्रु सवार बस दुर्घटनामा परेको छ। पाटन–पञ्चेश्वर सडकखण्डअन्तर्गत ना७ख २५७० नम्बरको बस मेलौली नगरपालिका–२ रौतगाउँमा आज बिहान ६ बजे दुर्घटना भएको हो।

दुर्घटनामा ८ जना घाइते भएका जिल्ला प्रहरी कार्यालयका निरीक्षक दर्शन खड्काले जानकारी दिए।

उनका अनुसार मेलौली–६ का कमलापति भट्ट, मेलौलीकै मनिषा चन्द, दुर्गादत्त भट्ट, शिवनाथ गाउँपालिकाकी शुशिला चन्द, शिवनाथकै जनक औजी, रामसिंह साउँद, कञ्चनपुरको बेदकोट नगरपालिका दैजीकी पुजा भट्ट र बारा घर भएका सिराज अन्सारी घाइते भएका हुन्।

उपचारका लागि उनीहरूलाई डडेल्धुरा जिल्ला अस्पताल पठाइएको छ। महेन्द्रनगरबाट मेलौलीतर्फ गइरहेको पवनदुत यातायातको उक्त बस सडकबाट २० मिटर तल खसेको छ। बस चालक कञ्चनपुरको शुक्लाफाँटा नगरपालिका–१ का विरेन्द्र लुहारलाई प्रहरीले नियन्त्रणमा लिएको छ।



बिहिबार १३, माघ २०७८ १०:२१ मा प्रकाशित

Loading...

प्रतिकृया दिनुहोस