युएईले नेपाललाई जितका लागि १ सय ९३ रनको लक्ष्य दिएको छ। नेपालले टस जितेपछि ब्याटिङको निम्तो पाएको युएईले ३ विकेटको क्षतिमा १ सय ९२ रन बनाएको हो।
ओमानको राजधानी मस्कटमा जारी खेलमा युएईका लागि चिराग सुरी र रोहन मुस्ताफाको उत्कृष्ठ प्रदर्शन गरेका थिए। सुरी ८४ रन बनाएर अविजित रहे । उनले ५३ बलमा ५ चैका र ५ छक्का प्रहार गरे।
अविजित रहेका मोहम्मद बुटाले ८ बलमा १४ रन बनाए। मुस्ताफाले ३५ बलमा ४९ रन बनाएका थिए। नेपालका लागि कप्तान सन्दीप लामिछाने, आरिफ शेख र साहाव आलमले एक–एक विकेट लिए ।