एमसीसीको विषयमा नेपालका लागि अमेरिकी राजदूत र्याण्डी बेरीसँग छलफल गरेपछि एमाले अध्यक्ष केपी शर्मा ओली प्रधानमन्त्री निवास बालुवाटार पुगेका छन् ।
प्रधानमन्त्री शेरबहादुर देउवाले एमसीसी पारितका लागि सहयोग गर्न ओलीलाई गत साता आग्रह गरेका थिए । देउवाले बालकोट निवास पुगेरै ओलीसँग सहयोग मागेका हुन् । ओलीले गठबन्धन तोडेर अघि बढ्ने सुझाव दिएका थिए ।
एमसीसीमा सत्ता गठबन्धनका दलले विपक्षमा मतदान गरेमा गठबन्धन भत्किने प्रधानमन्त्रीले बताइरहेका छन् । संसदमा आठ फागुनमा एमसीसी दर्ता भएको थियो ।
संसदको १२ फागुनको बैठकमा एमसीसीबारे सैद्धान्तिक छलफलको प्रस्ताव पेस हुँदैछ । भेटमा एमसीसीबारे एमालेको पोजिसन ओलीले प्रधानमन्त्रीलाई जानकारी गराउने बताइएको छ ।