सत्तासाझेदार दल नेकपा (माओवादी केन्द्र) को केन्द्रीय कमिटी बैठकको समय पुनः सारिएको छ । बैठक भोलि बिहान ११ बजे बस्ने गरी सारिएको केन्द्रीय कार्यालयका सचिव श्रीराम ढकालले जानकारी दिए ।
यसअघि, आज बिहान ११ बजेका लागि तय गरिएको बैठक दिउँसो २ बजेका लागि सारिएको थियो । गएको शुक्रबार सुरु भएको बैठकमा अमेरिकी सहयोग परियोजना (एमसीसी) सम्झौताका बारेमा अध्यक्ष पुष्पकमल दाहाल ‘प्रचण्ड’ र नेता नाराणकाजी श्रेष्ठले धारणा राखेका थिए ।
पदाधिकारी चयनको गृहकार्यका लागि बैठक सारिएको नेताहरु बताउँछन् । गएको पुस ११ देखि १३ गतेसम्म भएको पार्टीको आठौँ राष्ट्रिय महाधिवेशन पदाधिकारी चयन नै नगरी टुंगिएको थियो ।
२३६ केन्द्रीय कमिटी मात्रै गठन भएको थियो । केन्द्रीय कमिटी बैठकले प्रचण्डलाई पुनः अध्यक्षमा निर्वाचित गरेको थियो । १५ सदस्यीय पदाधिकारीमा अध्यक्षमा मात्रै चयन भएका छन् ।