धनगढी । कैलालीमा सोमबार ट्रकको ठक्करबाट एक जनाको मृत्यु भएपछि आफन्तले पूर्वपश्चिम राजमार्ग अबरुद्ध गरेका छन् ।
कैलालीको लम्कीचुहा नगरपालिका १० चुहाका २६ वर्षीय टेकबहादुर रावलको मृत्यु भएपछि आफन्त र स्थानीयले उचित क्षेतिपुर्ति र न्यायको माग गर्दै मंगलबार पनि राजमार्ग अवरुद्ध पारेका हुन् ।
सुदूरपश्चिम प्रदेश ०१ ००९ प ३९२६ नम्बरको मोटरसाइकललाई लम्कीचुहा वडा नं १० चुहामा पश्चिमतर्फ जादै गरेको लु १ ख ८९३० नम्बरको ट्रकले ठक्कर दिदा गम्भीर घाइते भएका २६ वर्षीय टेकबहादुर रावलको मृत्यु भएको थियो ।
ट्रकको ठक्करबाट गम्भीर घाइते रावललाई लम्कीस्थित लालरत्न अस्पतालले उपचारका लागि नेपालगञ्ज अस्पताल रिफर गरेको थियो। अस्पताल पुगाए पनि भर्ना गर्न नपाउदै रावलको मृत्यु भएको थियो । ठक्कर दिने ट्रक र चालक अहिले प्रहरी नियन्त्रणमा छ्न् ।