धनगढीमा लाग्ने सुदूरपश्चिम महोत्सवको तयारी तीव्र, प्रम देउवाबाट उद्घाटन गराउन प्रयास जारी

६० प्रतिशत बढी तयारी पुरा

समीर भट्ट    

धनगढीमा लाग्ने सुदूरपश्चिम महोत्सवको तयारी तीव्र, प्रम देउवाबाट उद्घाटन गराउन प्रयास जारी

धनगढी । कैलाली उद्योग वाणिज्य संघको आयोजनामा धनगढीमा लाग्ने सुदूरपश्चिम महोत्सवको तयारी अन्तिम चरणमा पुगेको छ । धनगढी १ स्थित पशुपति टोलमा लाग्ने महोत्सवको तयारी कार्य ६० प्रतिशत बढी सकिएको आयोजक कैलाली उद्योग वाणिज्य सङ्घले जनाएको छ  । 

बदलिँदो मौसमका बाबजुद छोटो समयमा तयारी तीव्र पारिएको कैलाली उद्योग वाणिज्य  संघका महासचिव ओम विष्टले जानकारी दिए । तयारी गिरहेका छौँ । घोटो समयमा राम्रो प्रतिफल ल्याउने प्रयासमा छौँ । "मौसम पनि हामीले सोचे भन्दा अगावै परिवर्तन भयो । तर मौसम विदहरुका अनुसार अबका केही दिन ३५-३६ डिग्री सेल्सियस भन्दा बढी नजाने भनिएको छ ।" उनले भने । 

त्यस्तै, महोत्सवका लागी व्यापारिक स्टलहरू नौलो तरिकाले सजावटको काम र व्यवस्थापन गरिरहेको बताउँदै महासचिव विष्टले बिहानै देखी स्थानीय कलाकारलाई समय दिइएको र दिउँसो ३ बजे देखी ८ बजे सम्म नै राष्ट्रिय कलाकारहरूको प्रस्तुति रहने बताए । "स्टलहरू, झुला, टिकटक पोईन्ट, सेल्फी पोईन्ट, बुल राईडीङ लगायतका विभिन्न कुराहरूको व्यवस्थापन गरिरहेका छौँ । सांस्कृतिक कार्यक्रमहरू बिहान ११ बजे देखी ३ बजे सम्म स्थानीय कलाकारहरूलाई समय दिएका छौँ । भने ३ बजे पश्चात् साँझ ८ बजे सम्म महोत्सव सञ्चालन हुने छ । यो नौलो प्रयास हो ।" उनले भने ।

यस्तै, वि. सं.२०६३ साल देखी सुदूरको सुन्दर भविष्यका लागी विभिन्न मागहरू सहित आयोजना गर्न लागिएको महोत्सवमा यसपालि पनि संघिय सरकारले गर्नु पर्ने महत्त्वपूर्ण ७ मागहरू लाई निरन्तरता दिइएको बताउँदै सके सम्म वर्तमान प्रधानमन्त्री शेरबहादुर देउवा बाट उद्घाटन गराइने प्रयास जारी रहेको बताउँदै विष्टले विवादित कलाकारहरूलाई भने सुदूरपश्चिम महोत्सवमा स्थान नदिइने स्पष्ट पारे । "देश संघियतामा गई सकेपश्चात् विभिन्न कामका जिम्मेवारीहरू संघ, प्रदेश र स्थानीय तहहरूमा बाँडिएका छन् । त्यसैले संघिय सरकारको जिम्मेवारी अन्तरगत पर्ने ७ मागहरू यसपालि पनि निरन्तरता दिने छौँ । वर्तमान प्रधानमन्त्री शेरबहादुर देउवा बाट उद्घाटनको लागी प्रयास जारी छ । उहाँको समय नमिलेमा प्रदेश सरकारका मुख्यमन्त्री त्रिलोचन भट्टबाट उद्घाटन गर्ने गरी प्रक्रिया अगाडी बढाएका छौँ । कलाकारका विषयमा भने हामी जिम्मेवार सुदूरपश्चिमको प्रतिनिधित्व गर्ने संस्था भएकोले विवादमा मुछिएका कुनै पनि कलाकारलाई आमन्त्रण गर्दैनौँ ।" उनले भने ।

माघ १८ गते देखि आयोजना हुने भए पनि कोरोनाको सङ्क्रमण बढ्न थालेपछि तयारी सुरु भएको सुदूरपश्चिम महोत्सव २०७८ अन्तिममा आएर स्थगित गर्नु परेको थियो ।  भने कोरोना भाइरस कोभिड १९-का कारण विगत २ वर्ष देखी आयोजना हुन नसकेको महोत्सव यही चैत १० गते धनगढी उप-महानगरपालिका वडा नंं. १ पशुपति टोलमा लाग्दै छ । 



मङ्गलबार ०८, चैत २०७८ ०९:०४ मा प्रकाशित

#सुदूरपश्चिम महोत्सव
Loading...

प्रतिकृया दिनुहोस