धनगढी । सुदूरपश्चिम प्रदेश सरकारमा नेपाली काँग्रेस पनि सहभागी भएको छ । भने शुक्रवार साँझ नव नियुक्त ३ मन्त्री र ३ जना राज्यमन्त्रीले शपथ ग्रहण गरेका हुन् ।
अहिले प्रदेश सरकारमा सहभागी सुदूरपश्चिम प्रदेश काँग्रेस संसदीय दलका नेता डा. रणबहादुर रावल आन्तरिक मामिला तथा कानुन मन्त्री, गोविन्द बोहरा सामाजिक विकास मन्त्री र आर्थिक मामिला मन्त्रीमा एकीकृत समाजवादीका प्रकाश रावल लाई प्रदेश प्रमुख जोशीले शपथ ग्रहण गराएका छन् ।
त्यस्तै, नेपाली काँग्रेसका तर्फबाट टेकबहादुर रैका सामाजिक विकास राज्यमन्त्री, एकीकृत समाजवादीका कुलवीर चौधरी र समाजवादीकै अमर साउद लाई प्रदेश सरकारका मुख्यमन्त्री त्रिलोचन भट्टले शपथ ग्रहण गराएका छन् ।
यस अघि एकीकृत समाजवादीबाट मन्त्री रहेका आन्तरिक मामिला तथा कानुन मन्त्री पूर्णा जोशी, सामाजिक विकास मन्त्री लालबहादुर खड्का, आर्थिक मामिला मन्त्री तारा लामा तामाङ तथा भौतिक पूर्वाधार विकास राज्यमन्त्रीबाट चुनकुमारी चौधरी, अर्थ राज्यमन्त्रीबाट माया तामाङ बोहरा र सामाजिक विकास राज्यमन्त्री मनाकुमारी साउदलाई हटाइएको छ ।