धनगढी । अहिलेसम्म कैलालीमा नागरिक उन्मुक्ति पार्टी पहिलो भएको छ। नागरिक उन्मुक्ति पार्टीले भजनी, टीकापुर र जोशीपुरमा पनि जित हात पारेको छ।
यो संगै कैलालीको जानकी गाउँपालिकाको अध्यक्ष र उपाध्यक्षमा पनि नागरिक उन्मुक्ति पार्टीका उम्मेदवार विजयी भएका छन्। अध्यक्षमा गणेश चौधरीले ७ हजार १ सय ५१ मत पाएर निर्वाचित भए।
उनका निकटतम् प्रतिद्वन्द्वी सत्ता गठबन्धनको साझा उम्मेदवार नेपाली कांग्रेसका परशुराम महतौले ५ हजार २४२ मत पाउँदा एमालेका टंकबहादुर बमले ४ हजार २४१ मत ल्याए।
त्यसैगरी उपाध्यक्षमा नागरिक उन्मुक्ति पार्टीकै लालमती देवी कठरिया ६ हजार ५२६ मतसहित निर्वाचित भइन्। उनका निकटतम् प्रतिद्वन्द्वी नेकपा एमालेकी गीता चौधरीले ४ हजार ५ मत ल्याउँदा गठबन्धनबाट माओवादीका जयप्रकाश दहितले ४ हजार ५४८ मत प्राप्त गरे।