नेपाल सरकारले प्रदेशस्तर बाटै बैदेशिक रोजगारीमा जानेहरुका लागि पुनः श्रम स्वीकृति दिने प्रावधान शुरु गरेपछि सुदूरपश्चिम प्रदेशबाट बैदेशिक रोजगारीमा जानेहरुका लागि सजिलो भएको छ ।
प्रदेशको राजधानी धनगढीमा रहेको श्रम तथा रोजगार कार्यालयबाट पुनः श्रम स्वीकृति दिने काम हुन थालेको छ ।संघीय राजधानी बाट पाउने सुबिधा प्रदेश बाट पाउदा आफुलाई सजिलो भएको उनीहरुले बताएका छन ।
सुदुरपश्चिम प्रदेशबाटै पुनः श्रम स्वीकृति दिने व्यवस्था भएपछि वैदेशिक रोजगारीमा जाने युवालाई सजिलो भएको छ । गत माघ ११ गते स्थापना भएको धनगढीस्थित श्रम तथा रोजगार कार्यालयको श्रम डेस्कबाट दुई महिनाको ५ सय ६ जनाले सेवा लिइसकेका छन् ।
जसमध्ये ७ जना महिला र ४ सय ९९ जना पुरुषले अहिले सम्म पुनः श्रम स्वीकृति लिइसकेको कार्यालयका निमित्त प्रमुख जयदेव विष्टले बताउनुभयो । प्रदेशमा श्रमसम्बन्धी सेवा दिने श्रम तथा रोजगार कार्यालयमा भने कर्मचारीको अभाव रहेको छ ।
१४ जनाको दरबन्दी भएको कार्यालयमा सात जना मात्रै कार्यरत रहेका छन् । कार्यालयका मुख्य पद खाली रहेका छन् । अहिले कार्यालय प्रमुख उपसचिव, अधिकृत र एकजना नायब सुब्बाको पद रिक्त रहेको छ । कर्मचारीको अभावले गर्दा आफुहरुले चाहे जस्तो सेवा दिन नसकेको निमित्त प्रमुख विष्टले बताउनुभयो ।
प्रदेशबाटै पुनः श्रम स्वीकृति दिने व्यवस्था भएपछि विदेश जानेहरु पनि खुशी भएका छन् । बिहान घरमै खाना खाएर आएर सजिलै काम गर्न पाइएको मा आफु खुशी भएको मलेसिया जान पुनःश्रम स्वीकृति लिन आउनु भएका कैलालीको गौरीगंगा नगरपालिका ९ घर भएका जनकराज जोशीले बताउनुभयो ।
काठमाण्डु जाँदा यातायात तथा खाना खर्चका साथै समय पनि धेरै लाग्ने गरेको मा हाल आफ्नै प्रदेशमा सेवालिन पाउँदा खुशी भएको उहाँले बताउनुभयो । सुदुरपश्चिम प्रदेशका पहाडी जिल्ला बाट सबै भन्दा कम र सबै भन्दा बढी कैलाली र कञ्चनपुर बाट पुन : श्रम स्वीकृति लिनेको सख्या रहेको छ ।