बाजुराको बूढीगङ्गा नगरपालिकाका उम्मेरदवार तथा कार्यकर्ता भोट माग्न् तछाड मछाड परेको छ ।
देशभर गत वैशाख ३० गते भएको स्थानीय तह निर्वाचन सकिए पनि बाजुराको बुढीगङ्गा नगरपालिकामा भने निनर्वाचानमा धाँधली भएको भन्दै असार २३ गते पुनः निर्वाचन हुने भएपछि उम्मेदवारलाई चुनावी पिरलो परेको छ ।
यस नगरपालिकाका विभिन्न राजनीतिक दलहरुले गाउँ गाउँमा आफ्नो चुनावी अभियानमा तीव्रता दिएका छन् । यतिबेला नेपाली कांग्रेस, नेकपा (एमाले) पार्टीका उम्मेदवार जनताका घरदैलोमा पुगेर विभिन्न आश्वासन दिदैँ मतदातासँग मत माग्न व्यस्त भएका छन् ।
त्यस्तै नगरपालिकामा कांग्रेसबाट नगरप्रमुखमा रङ्गबहादुर खाती उपप्रमुखमा रिता शाही, एमालेबाट प्रमुखमा रामबहादुर बाँनिया र उपप्रमुखमा माया कुँवर उम्मेदवार रहेका छन् ।
राजनीतिक दलहरुले पालिकाको समग्र विकासलाई पहिलो एजेण्डा बनाएर सोहीअनुसार घरदैलोमा पुगेर मतदातासँग मत मागि रहेका छन् । असार २३ गते हुने स्थानीय तहको निर्वाचनमा बुढीगङ्गा नगरपालिमा १३ हजार ६५९ जना मतदाताले मतदान गर्नेछन् ।
बुढीगङ्गा नगरपालिमा हुने निर्वाचनका लागि १० वटा मतदान स्थल, १९ वटा उपमतदान केन्द्र कायम गरिएको जिल्ला निर्वाचन कार्यालय बाजुराका प्रमुख नवराज अवस्थीले जानकारी दिए ।