धनगढी। पुर्व संञ्चारकर्मी रवि लामिछाने सभापति रहेको राष्ट्रिय स्वतन्त्र पार्टीको सुदूरपश्चिम प्रदेश कार्यालय धनगढीमा स्थापना गरिएको छ। राष्ट्रिय स्वतन्त्र पार्टीका सुदूरपश्चिम प्रदेश सभापति नरेन्द्र चन्द र सचिव भोजराज जोशीले आइतबार कार्यालयको संयुक्त रुपमा उद्घाटन गरेका हुन्।
राष्ट्रिय स्वतन्त्र पार्टीको सुदूरपश्चिम प्रदेश कार्यालय धनगढी उपमहानगरपालिकाको वडानम्बर ३ राजपुरमा पार्टीमा एक कार्यक्रमका बीच कार्यालय स्थापना गरिएको सचिव जोशीले बताए। सचिव जोशीका अनुसार भाडामा लिएर कार्यालय संचालन गरिएको र कैलाली जिल्ला र प्रदेश समितिले यहीँबाट कामकाज थाल्ने जनाएको छ। यस्तै पार्टीले सुदूरपश्चिमका सबै जिल्लाहरुमा पार्टीका कार्यक्रमहरुलाई तीव्रता दिने बताइएको छ।