डोटी । डोटीमा एक महिलाको गरगहना लुटिएको छ । जिल्लाको सायल गाउँपालिका– ६ कटुवाल गाउँकी २७ वर्षीय पार्वती कटुवालले लगाएको सुनको गरगहना लुटिएको प्रहरीले जनाएको छ ।
इलाका प्रहरी कार्यालय आदर्शका इन्चार्ज प्रहरी निरीक्षक यज्ञराज जोशीका अनुसार ओल्के पर्व मनाउन माइतीघर जाँदै गरेकी कटुवालको तीन तोला बराबरको सुनको गहना लुटिएको हो । आदर्श गाउँपालिका– ६ थला स्थित माइती घर जाँदै गर्दा आदर्श गाउँपालिका –३ मा पर्ने अलिचौर जंगलमा बुधबार बिहान ११ः ३० बजेको समयमा उनिमाथि लुटपाट भएको प्रहरी निरीक्षक जोशीले बताए ।
जंगलकोबाटो हुँदै पैदल माइतीघर जाँदै गरेकी महिला माथि अपरिचित एक व्यक्तिले बाटो छेकेर गरगहना लुटेको पीडित महिलालाई उदृतगर्दै प्रहरीले जनाएको छ । लुटपाटमा संलग्न व्यक्ति फरार छन् । उनको खोजिकार्य भैरहेको प्रहरी निरीक्षक जोशीले बताए ।