धनगढी । डोटीको दिपायल सिलगढी नगरपालिकाको नगर वसले सिलगढी पिपल्ला एरपोर्ट हुँदै गाउँ तिखा सम्म नगर बस नगरपालिकाले सञ्चालनमा गर्ने भएको छ । उक्त नगर बस सेवाको सोमबार नगरपालिकाका नगर प्रमुख बाजी सिंह खड्काले उद्घाटन गरेर सेवा दिन लागेको हो ।
नगरप्रमुख खड्काले नगरका सम्पूर्ण शाखा सडकहरुको स्तरोन्नति गरि यातायात सेवा सुचारु गर्ने योजना अनुसार काम अगाडी बढेको बताए ।
मंगलबार देखि नियमित रुपमा संचालन आउने नगर बस पिपल्ला बजार देखि बिहान साढे ८ बजे र साँझ ५ बजे तिखा गाउँका लागि छुट्ने छ ।
नगर बसको पिपल्ला देखि तिखा सम्म प्रति यात्रु ५० र सिलगढी देखि तिखा गाउँको प्रति यात्रु १ सय भाडादर तोकिएको छ ।