काठमाडौं । आज नागरिकता विधेयक, २०७९ राष्ट्रिय सभा बैठकमा पेश हुँदैछ। प्रतिनिधिसभामा दोस्रोपटक पारित भएको नागरिकता विधेयक, २०७९ आइतबारदिउँसो १ बजे बस्ने राष्ट्रिय सभा बैठकमा पेश हुन लागेको हो ।
विधेयक दिउँसो १ बजे बस्ने बैठकमा पेश हुन लागेको सचिव राजेन्द्र फुयाँलले जानकारी दिए।
आज विधेयकका सम्बन्धमा राष्ट्रपतिको कार्यालयबाट प्राप्त पत्रको व्यहोरा,संसद् सचिवालयले सार्वजनिक गरेको सम्भावित कार्यसूचीमा प्रतिनिधि सभाबाट प्राप्त सन्देशको जानकारी गराउने सम्भावित कार्यसूची रहेको सचिव राजेन्द्र फुयाँलले जानकारी दिए।
साउन १५ गते प्रमाणीकरणका लागि आएको विधेयक राष्ट्रपति विद्यादेवी भण्डारीले २९ गते पुनर्विचारका लागि फिर्ता पठाएकी थिइन्। पहिलोपटक दुवै सदनबाट पारित भई फिर्ता भएको विधेयक पुनर्विचार नै नगरी भदौ २ गते प्रतिनिधिसभामा पारित भएको थियो।
राष्ट्रिय सभाबाट पनि पारित भएपछि यसपटक प्रमाणीकरण गर्नैपर्ने बाध्यतामा राष्ट्रपति भण्डारी छिन्। विधेयक दुवै सदनबाट पारित हुने भएपछि उनले परामर्श तीव्र पारेकी छिन्।