टीकापुर । कैलालीको टीकापुर उद्योग वाणिज्य सङ्घको अध्यक्षमा चक्रपाणि सापकोटा विजयी भएका छन ।
सापकोटा पाँच सय ६५ मत ल्याएर विजयी भएका हुन उनका निकटतम प्रतिद्वन्दी तपेन्द्र स्वाँरले तीन सय ९५ र राजेन्द्र शाहले एक सय २५ मत प्राप्त गरेका थिए । यसैगरी उपाध्यक्ष (उद्योगतर्फ) मा सन्तोष खड्का, उपाध्यक्ष (वाणिज्यतर्फ) मा कृष्ण उपाध्याय बजगाईँ, महासचिवमा नवराज रिमाल, सचिवमा तपेन्द्र कुँवर र कोषाध्यक्षमा लोकेश साउद विजयी भएका छन ।
निर्वाचन अधिकृत रघुनाथ उपाध्यायका अनुसार निर्वाचनमा एक हजार ३८ मत खसेको थियो । सङ्घका छ पदाधिकारीमध्ये अध्यक्ष, वाणिज्यतर्फको उपाध्यक्ष र सचिवमा सापकोटा प्यानलका उम्मेदवार तथा उद्योगतर्फका उपाध्यक्ष, महासचिव र कोषाध्यक्षमा स्वाँर प्यानलका उम्मेदवार विजयी भएका छन । यसैगरी सदस्यहरुमा सापकोटा प्यानलका सात र स्वाँर प्यानलका एक जना विजयी भएका छन ।
सदस्यमा प्रकाश उपाध्याय तिमिल्सिना, पृथ्वीराज ढुङ्गाना, दुर्गा साहु, बमबहादुर वली, हेमन्त रावल र लालबहादुर चौधरी विजयी भएका छन । महिला आरक्षित सदस्यमा स्वाँर प्यानलकी टीका शाही विजयी भएकी छन । जनजातितर्फ जीतबहादुर चौधरी र दलिततर्फ माया बागदास यसअघि निर्विरोध भइसकेका छन ।