बैतडी । बैतडीबाट नेपाली काँग्रेसले प्रतिनिधि सभा र प्रदेश सभा सदस्यका लागि उम्मेदवारको नाम सिफारिस गरेको छ । अगामि मंसिर ४ गते हुने निर्वाचनका लागि नेपाली काँग्रेस बैतडीले संघ र प्रदेशका लागि प्रत्यक्ष र समानुपातिकतर्फ गरि नाम सिफारिस गरेको हो ।
नेपाली काँग्रेस बैतडीले संघका लागि १३ जनाको नाम सिफारिस गरेको छ । काँग्रेस बैतडी सचिव देवराज जोशीका अनुसार प्रत्यक्षतर्फ जिल्ला पार्टी सभापति चतुरबहादुर चन्द, बिनय ध्वज चन्द, नरबहादुर चन्द, केशब बहादुर चन्द,उत्तर बहादुर ऐरको नाम सिफारिस भएकोछ । यस्तै प्रताप सिंह ठगुन्ना, शुरेद्र ऐर ,दिनेश भट्ट, शिव राज भट्टको नाम पनि प्रत्यक्षतफ सिफारिस भएको हो ।
यस्तै समानुपातिकतर्फ देवु ठगुन्ना, कृष्णदत्त भट्ट, रमेश पाण्डेय र नरेन्द्र प्रशाद भट्ट को नाम सिफारिस गरिएको उनले बताए बताए । नेपाली काँग्रेस जिल्ला कार्य समिति बैतडीको यहि भदौ १९ गते बसेको बैठकले संघका लागि उम्मेदवार सिफारिस गरेको बताइएको छ ।
यस्तै प्रदेश सभा सदस्यका लागि पनि उम्मेदवार सिफारिस भएका छन्। काँग्रेस बैतडीले क्षेत्र नं ‘क’ मा प्रत्यक्षतर्फबाट ८ जना र समानुपातिक तर्फबाट १५ जनाको नाम सिफारिस गरेको सचिव जोशीले बताए ।
यस्तै प्रदेशसभा सदस्यका लागि क्षेत्र नम्बर ‘ख’ बाट प्रत्यक्षतर्फ १८ जना र समानुपातिकतर्फ २३ जनाको नाम सिफारिस भएको उनले बताए ।क्षेत्र नम्बर ‘क’ बाट प्रत्यक्षतर्फ बिर बहादुर विष्ट, हरिमोहन भण्डारी ,अम्मर विष्ट र विष्णुदत्त जोशी लगायतका अन्य ८ जना र समानुपातिकतर्फ लोक राज अवस्थी, जयन्ती कुवँर लगायतका १५ जना रहेका छन् ।
यसैगरि ‘ख’ बाट प्रत्यक्षतर्फ शिवराज भट्ट,तेज बहादुर चन्द , टेक राज जोशी ,पुर्णान्नद लेखक ,पूर्णचन्द्र लेखक ,ईश्वर भट्ट, घनस्याम भट्ट, नरेन्द्र दत्त जोशी लगयातका १८ जना र समानुपातिक तर्फ नरेन्द्र सिंह थापा, तृत बहादुर विष्ट ,कान्ता चन्द र कुस्मा चन्द लगायत २३ जनाको नाम सिफारिस भएको बताइएको छ ।