धनगढीमा रहेको कैलाली अस्पताल प्रा.लि ले धनगढी ईन्जिनियरिङ कलेज नेस्नल एकेडेमी अफ साइन्स एण्ड टेक्नोलोजी (नास्ट) लाई स्वास्थ्य सेवामा छुट दिने भएको छ।
कैलाली हस्पीटलका अध्यक्ष जनकराज जोशी र नास्ट कलेजको तर्फबाट संस्थाका संचालक तथा प्रबन्ध निर्देशक शिवहरि मुडभरीले आज सम्झौता पत्रमा हस्ताक्षर गरेका हुन्।
(नास्ट) ले कैलाली हस्पीटललाई बिरामी उपचारको लागी पठाउँदा संस्थाको पत्र र बिरामीको परिचय खुल्ने कागजातको प्रतिलिपि पेस गर्नुपर्ने बताईएको छ।
साथै सम्झौतामा सो संस्थामा अध्ययनरत सम्पूर्ण विद्यार्थी र विद्यार्थीका परिवारका सदस्य एवम् संस्थाका कर्मचारीहरु र परिवारलाई समेत समेटिने गरि गरिएको छ।
सम्झौता २०७९ आश्विन २७ गतेबाट लागु भई दुई वर्षको अवधि रहनेछ। उक्त सम्झौता कार्यक्रममा (नास्ट) तर्फबाट शिक्षाविद डा.प्रेम बहादुर चन्द (प्राचार्य), रमेश खडका, र कैलाली हस्पिटलका प्रबन्धक खगेन्द्र जोशीको समेत उपस्थिति रहेको थियो।