उद्योग वाणिज्य संघ डडेल्धुराको नयाँ नेतृत्वका लागि आज सम्पन्न मतदानको अहिले केही बेरमै मत गणाना सुरु हुने भएको छ । यसअघि निर्वाचन समितिले दुवै पक्षको रहोवरमा अचारसंहिता बनाएकोले अवको केही बेरमै मत गणना सुरु हुन गइरहेको गणनास्थलवाट पत्रकार धनवहादुर भण्डारीले जानकारी दिएका छन् ।
गत वर्ष सम्पन्न तीन तहका निर्वाचनपछि पहिलो पटक भएको यो निर्वाचनलाई यहाँस्थित राजनीतिक दलहरुले आफ्नो साखकारुपमा लिएकाले व्यबसायीको भन्दा राजनीतिकरण बढी रहेको छ । यसअघि आज साँझ ५ वजे सम्पन्न मतदान प्रकृर्या शान्त तबरले सम्पन्न भएको थियो । कुल एक हजार २ सय ९८ मतदानमा मध्ये एक हजार ४८ मत खसेको निर्वाचन अधिकृत हरिप्रसाद भट्टले जानकारी दिए।
उद्योग वाणिज्य संघको नयाँ नेतृत्वका लागि अध्यक्ष पदमा भोजराज भट्ट र लोकराज भट्टबीच यस्तै सचिव पदमा विष्णु जोशी र वासुदेव जोशीबीच चुनावी प्रतिस्प्रर्धा रहेको छ। १० जना कार्यसमिति सदस्यका लागि भने १९ जनाको उमेदवारी परेकोमा ३ जनाले फिर्ता लिएपछि १६ जना चुनावी प्रतिस्प्रर्धामा छन्।