धनगढीमा मोटरसाइकलले साइकललाई ठक्कर दिएपछि २ जना घाइते भएका छन्। सोमबार धनगढी उप-महानगरपालिकाको वडा नम्बर ३ स्थित त्रिनगर नाका (सशस्त्रको बिट) नजिकै मोटरसाइलले साइकललाई ठक्कर दिएको थियो।
ट्राफिक प्रहरीका अनुसार चौराहबाट भन्सारतर्फ जादै गरेको से ७ प ४४६६ नम्बरको मोटरसाइकलले साइकलयात्रीलाई ठक्कर दिएको हो। ठक्करबाट साइकलयात्री धनगढी उपमहानगरपालिका वडानम्बर ३ का ५४ वर्षीय दयाराम सुवेदी घाइते भएका छन्।
यस्तै मोटरसाइकल चालक कञ्चनपुरको पुनर्वास ५ का २७ वर्षीय महेश भट्ट पनि घाइते भएका छन्। अहिले उनीहरुको माया मेट्रो अस्पतालमा उपचार भैरहेको प्रहरीले जनाएको छ।