नेकपा एमालेका अध्यक्ष एवं पूर्वप्रधानमन्त्री केपी शर्मा ओलीसँग शुक्रबार (कात्तिक ४ गते) फोनमा कुरा गर्न एक लाख बढी सर्वसाधारणले नाम र सम्पर्क नम्बर टिपाएका छन् ।
अध्यक्ष ओलीले सोमबार सामाजिक सञ्जाल फेसबुकमा आफूसँग कुरा गर्न चाहनेले नम्बर टिपाउनुहोला भन्दै पोस्ट गरेका थिए । उक्त जानकारीपछि हालसम्म एक लाख १२ हजार ४७७ जनाले नाम टिपाइसकेको ओलीको आधिकारिक फेसबुक पेजबाट जानकारी दिइएको छ ।
''हालसम्म एक लाख १३ हजार ४ सय ७७ जनाले नाम र नम्बर टिपाउनुभएको छ । यो उत्साहपूर्ण सहभागिताले खुशी छु । धेरै नाम आएकाले नाम टिपाउने समय भोलि दिउँसो १२ बजेसम्म मात्र निर्धारण गरेका छौँ । नाम र नम्बर त टिपाउनु भयो नि ?'' उनकाे पाेस्टमा भनिएकाे छ ।
ओलीसँग कुरा गर्न चाहने व्यक्तिलाई उनले आफ्नो फेसबुक पेजमा नम्बर मेसेज गरिदिन अनुरोध गरिएकाे थियाे । आफ्नो नम्बर पठाउने समय बिहीबार १२ बजेसम्म लम्ब्याइएको छ ।