कैलाली जिल्लाको मध्यवर्ती क्षेत्र कैलारी गाउँपालिकामा सञ्चालित सिंचाई योजनाहरुको सुदूरपश्चिम प्रदेशका भौतिक पूर्वाधार विकास मन्त्री पठानसिंह बोहराले अनुगमन गर्नुभएको छ ।
आगामी आर्थिक बर्षका लागि बजेट बनाउने तयारीमा रहेको प्रदेश सरकारले स्थलगत अनुगमन गरेर लागत अनुमान गर्दै बजेट बिनियोजन गर्ने उद्देश्यका साथ स्थलगत अध्ययन थालेको हो । मन्त्रालयले कैलारी गाउँपालिकाका सिचाई योजनाहरु बाट अनुगमन शुरु गरेको हो ।
शुक्रबार मन्त्री बोहराले कैलारी गाउँपालिकाका वडा नम्बर २, ३, ४, ७ र ८ मा रहेका सिचाई योजना र नदी तटबन्ध कार्यक्रमको अनुगमन गर्नुभएको हो । शुक्रबार मन्त्री बोहराले सो क्षेत्रबाट निर्वाचित प्रदेश सांसद बीरमान चौधरी, जलस्रोत तथा सिंचाई डिभिजन कार्यालयका प्रमुख अमर पालसहित स्थगलत अनुगमन गर्नुभएको हो ।
शुक्रबार मन्त्री बोहराको टोलीले कैलारी गाउँपालिकाको वडा नम्बर २ को सुर्मीनाला सिंचाई योजना, वडा नम्बर ४ को टेढी सिंचाई योजना, वडा नम्बर ४ कै गुर्गी सिंचाई योजना र वडा नम्बर ८ को कटनी नदी तटबन्ध योजनाको अनुगमन गरेको छ ।
अनुगमनका क्रममा मन्त्री बोहराले कतिपय योजनाहरुको मुहानमा समस्या रहेको र कतिपय थोरै मर्मत गर्दा पनि राम्रो संग सञ्चालन गर्न सकिने अवस्थामा रहेको पाइएको बताउनुभयो । अनुगमनमा मन्त्री बोहरासंगै रहेका जलस्रोत तथा सिंचाई डिभिजन कार्यालय धनगढीका प्रमुख अमर पालले टेढी सिचाई योजनामा मर्मत आवश्यक रहको बताउनुभयो ।
उहाँले गुर्गी योजनामा मुहानमै समस्या रहेको बताउनुभयो । सो क्षेत्रबाट निर्वाचित प्रदेश सांसद बीरमान चौधरीले टेढी सिचाई योजनाबाटै एक नहर बनाएर गुर्गी योजनाका उपभोक्तालाई पनि सिचाई सुविधा पु¥याउन सकिने बताउनुभयो ।
उहाँले २ किलोमिटरको फरकमा दुई योजना रहेका कारण तल तिर रहेको गुर्गी योजनामा समस्या रहेको बताउनुभयो । उहाँले गुर्गीका उपभोक्ताहरुलाई टेढीबाटै सिचाई गर्ने गरी सहमति गराई एकिृत रुपमा एउटै अयोजनामा लगानी गर्नुपर्ने बताउनुभयो ।