बझाङमा भिरबाट ढुङ्गा खस्दा गम्भीर घाइते भएकि महिलाको हेलिकप्टर मार्फत उद्घार गरीएको छ ।
जिल्लाको साइपाल गाउँपालिका वडा नं ३ माथिल्लो कायाकि स्थानिय एवम् वडा नं ३ कि वडा सदस्य समेत रहेकि डिकि गुरुङलाई बझाङमा उपचार सम्भव नभएपछि आज नेपाली सेनाको हेलिकप्टर मार्फत उद्वार गरीएको हो ।
आइतबार साँझ घर नजिकैको जालिकाँडा भन्ने जङ्गलमा दाउरा काट्ने क्रममा माथीबाट ढुङ्गा खस्दा गुरुङलाई गम्भीर चोट लागेको गाउँपालिका उपाध्यक्ष डोल्मा तामाङले जानकारी दिनुभयो ।
गुरुङको टाउकोमा गहिरो चोट लागेको तथा अवस्था गम्भिर भएकाले सोमबार हेलिकप्टर मार्फत नेपालगञ्ज रिफर गरीएको बताइएको छ । उद्वार गरे बाफत लागेको ५ लाख बराबरको रकम गाउँपालिकाले ब्यहोर्ने जनाएको छ ।