नेत्र बिक्रम चन्द ‘बिप्लव’ नेतृत्वको नेपाल कम्युनिष्ट पार्टीका दुई जना जिल्लास्तरीय नेतालाई प्रहरीले पक्राउ गरेको छ ।
पक्राउ पर्नेमा बिप्लव नेतृत्वको नेपाल कम्युनिष्ट पार्टीका बर्दगोरिया गाँउपालिका जनसरकार प्रमुख अमर बम र अखिल क्रान्तिकारी किसान संघका कैलाली अध्यक्ष उदयराज थापा रहेको स्रोतले बतायो ।
स्रोतका अनुसार उनीहरुलाई कैलालीको बर्दगोरिया गाँउपालिकाको बौनिया बजार नजिकैबाट बुधवार दिउसो प्रहरीले पक्राउ गरेको हो ।
पक्राउ गरेका दुबै जनालाई प्रहरीले थप अनुसन्धान र कारबाहीका लागि जिल्ला प्रहरी कार्यालय कैलालीको हिरासतमा राखेको छ ।प्रहरीले कैलालीमा पछिल्लो केही समययता बिप्लवका कार्यकर्ताको खोजी कार्य तिब्र पारेको छ ।