काठमाण्डौं । नेपाली कांग्रेसमा इतर समूहको होटल बसेरमा जारी बैठकमा डा.शेखर कोइरालाले महामन्त्री गगनकुमार थापाको नाम संसदीय दलको नेतामा प्रस्ताव गरेका छन्।
इतर समूहका सांसदहरुसहितको उक्त बैठकमा कोइरालाले सभापति शेरबहादुर देउवासँग दलको नेतामा भिड्न गगनको नाम प्रस्ताव गरेका हुन्।
मंसिर ४ को निर्वाचनमा शेखर मोरङ ६ र गगन काठमाडौं ४ बाट निर्वाचित भएका थिए। दुवैजना कांग्रेस संसदीय दलको नेताका आकांक्षी थिए।
गगनले निर्वाचनकै क्रममा आफू संसदीय दलमा भिड्ने घोषणा गरेका थिए। शेखरले भने दलको नेता चुनिने प्रक्रिया अघि बढ्नुअघि मात्रै आफूलाई आकांक्षीका रुपमा प्रस्तुत गरेका थिए।