सुदूरपश्चिम प्रदेशमा बार्षिक दुई मेट्रिक टन भन्दा बढी दूध उत्पादन हुने गरेको छ । सुदूरपश्चिम प्रदेशको कृषि भूमि ब्यवस्था तथा सहकारी मन्त्रालयले सार्वजनिक गरेको तथ्यांक हनुसार सुदूरपश्चिम प्रदेशमा बर्षिक २ लाख ८ अहार ८ सय ५४ मेट्रिक टन दूध उत्पादन हुने गरेको छ ।
मन्त्रालयका अनुसार भैसीपालनबाट बार्षिक १ लाख १६ हजार ७ सय ९२ मेट्रिक टन र गाईपालनबाट बार्षिक ९२ हजार ६२ मेट्रिक टन दूध उत्पादन हुने गरेको छ ।
उत्पादनका आधारमा हेर्दा अझैपनि प्रति ब्यक्ति प्रतिबर्ष सेवन गर्नुपर्ने दूध अझै उत्पादन हुन सकेको छैन् । विशव स्वास्थ्य संगठनको मापदण्ड अनुसार हरेक ब्यक्तिले बर्षमा ९१ लिटर सेवन गर्नुपर्ने हुन्छ । तर सुदूरपश्चिम प्रदेशमा प्रति ब्यक्ति ८१ लिटर मात्रै उपलब्ध छ ।
आवश्यकता अनुसार दूधको उत्पादन कम भए पनि जाडो याममा दूधको खपत भने कम हुने गरेको छ । भूमि ब्यवस्था कृषि तथा सहकारी मन्त्रालयका बरिष्ठ कृषि विकास अधिकृत यज्ञराज जोशीका अनुसार सुदूरपश्चिम प्रदेशमा सबै भन्दा बढी दूध उत्पादन कैलाली जिल्लामा र सबैभन्दा कम दूध उत्पादन बझाङमा हुने गरेको छ ।
कैलालीमा बार्षिक ६५ हजार १२ मेट्रिक टन दूध उत्पादन हुन्छ भने बझाङमा बार्षिक ९ हजार ४ सय ४८ मेट्रिक टन मात्रै दूध उत्पादन हुन्छ ।
कैलालीपछि कञ्चनपुरमा बार्षिक ५० हजार १ सय ३ मेट्रिक टन, डोटीमा १७ हजार ९ सय ९४ मेट्रिक टन, बैतडीमा १५ हजार ६ सय ९३ मेट्रिक टन, डडेल्धुरामा १३ हजार ३ मेट्रिक टन, अछाममा १३ हजार ८ सय ११ मेट्रिक टन, दार्चुलामा १२ हजार ३ सय २८ मेट्रिक टन र बाजुरामा १० हजार ९ सय ८२ मेट्रिक टन दूध उत्पादन हुन्छ ।
भूमि ब्यवस्था, कृषि तथा सहकारी मन्त्रालयका बरिष्ठ कृषि विकास अधिकृत जोशीका अनुसार तराईका दुई जिल्ला कैलाली र कञ्चनपुरका ब्यवसायिक रुपमा पशुपालन हुने गरेको छ भने पहाडी जिल्ला कमै मात्राममा दूध उत्पादनकै लागि पहुपालन हुने गरेकको छ ।