धनगढी । कञ्चनपुरको कृष्णपुरमा रहेको कंचन बहुमुखी क्याम्पसका विद्यार्थीहरुले क्षेत्रिय परिक्षा नियन्त्रण कार्यालय अत्तरियामा तालाबन्दी गरेका छन । परिक्षा केन्द्र अन्त सारिएको भन्दै उनिहरुले कार्यालयमा तालाबन्दी गरेका हुन ।
विगतदेखी आफ्नै क्याम्पसमा हुदै आएको परिक्षा केन्द्र अकस्मात अन्त सारिएकाले तालाबन्दी गरिएको क्याम्पसका भरखरै निर्वाचित स्ववियु सभापति देव बहादुर साउँदले बताए । उनले अकस्मात परिक्षा केन्द्र सारिदा विद्यार्थीहरुमा अन्योलता छाएको बताए ।
‘हिजो अकस्मात परिक्षा केन्द्र सारिएको थाहा पायौ । केही विद्यार्थीहरुको धनगढीमा राखिएको छ भने केहीको झलारीमा राखिएको छ’ उनले भने ‘परिक्षा केन्द्र सारिएको कतिपय विद्यार्थीहरुलाई जानकारी नै छैन, यसरी विद्यार्थीहरुको भविष्यमाथी खेल्न पाईदैन ।’ उनले ४ गते देखी सञ्चालन भैरहेको परिक्षाको केन्द्रका विषयमा १ गते मात्रै जानकारी पाईएको बताए ।