राष्ट्रिय स्वतन्त्र पार्टीकी सांसद डा। तोसिमा कार्कीले संसदमा सांसदहरुले उठाएका प्रश्नहरु पनि वेबसाईटमा राख्ने व्यवस्था गर्न माग गरेकी छन्।
सांसदहरुले उठाएको प्रश्नको जवाफ सरकारले नदिएको उल्लेख गर्दै उनले ती प्रश्नहरु र अवस्थाबारे आम नागरिकलाई हेर्नेगरी वेबसाइटमा राख्न सभामुख देवराज घिमिरेको ध्यानाकर्षण गराइन्।
मंगलबार प्रतिनिधिसभा बैठकमा बोल्दै उनले सरकारलाई सदनप्रति र सदनलाई जनताप्रति उत्तरदायी बनाउन आवश्यक रहेको पनि दोहोर्याइन्।
उनले सदन सांसदहरुको भन्दा सार्वभौम नेपाली जनताको बढी रहेको पनि बताइन्। सरकारलाई सदनप्रति र सदनलाई जनताप्रति उत्तरदायी बनाउन आवश्यक छु, उनले भनिन्, समस्या मात्रै राख्दिनँ सभामुख महोदय, म समाधान पनि दिन चाहन्छु। के–के प्रश्न उठे, तिनको अवस्था के छन् ? आमनागरिकले हेर्ने गरी वेबसाइटमा राख्ने व्यवस्था मिलाइयोस्।’
सांसद कार्कीले सरकारका मन्त्रीहरुले सांसदहरुले उठाएका प्रश्नको जवाफ नदिएकोमा आपत्तिसमेत जनाएकी छन्।