बझाङ । बझाङमा चिसोले कठ्याङिग्रएर एक पुरुषको मृत्यु भएको छ । यार्सागुम्बा संकलन गर्नका लागि हिमाली भाग लेकतिर गएका उनको घर फर्कने क्रममा ज्यान गएको हो ।
जिल्लाको सुर्मा गाउँपालिका वडा नम्बर–४ का अन्दाजी ४४/४५ वर्षीय प्रमु बोहराको मंगलबार यार्सागुम्बा संकलन गर्ने ठाँउमा अत्याधिक हिमपात र पानी परेपछी चिसोले कठ्यांग्रीएर मृत्यु भएको बताईएको छ ।
बोहरा यार्सागुम्बा संकलन गर्न चुफी वनतिर गएका थिए । चुफी वनमा मंगलबार हिमपात परेको बेला घर फर्किदै गर्दा तितापानी भन्ने स्थानमा चिसोले कठ्यांग्रीएर बोहराको ज्यान गएको स्थानीएले बताएका छन् ।