काठमाण्डौं । क्रसफायर बाइकको मूल्य घटेको छ। नेपालको लागि क्रसफायर बाइकको आधिकारिक वितरक क्लासिक ह्विल्स एक्सपोर्ट एन्ड इम्पोर्ट प्रालिले सोमबारदेखि लागू हुने गरी नयाँ मूल्य सूची सार्वजनिक गरेको हो।
कम्पनीले क्रसफायर आरएम २५०, क्रसफायर एचजे २५० र क्रसफायर ट्र्याकर २५० गरी तीन मोडलमा मूल्य घटाएको हो।
यसअघि ८ लाख ८८ हजार रूपैयाँ पर्ने क्रसफायर आरएम २५० को नयाँ मूल्य ४५ हजारले घटेर ८ लाख ४३ हजार तोकिएको छ।
नयाँ मूल्य सूची अनुसार अब क्रसफायर एचजे २५० जम्मा ६ लाख ९९ हजार रूपैयाँमा खरिद गर्न सकिन्छ। यसभन्दा अघि एचजे २५० को बजार मूल्य सात लाख ७० हजार रूपैयाँ थियो। यो बाइकमा एकैपटक ७१ हजारले मूल्य घटेको हो।
त्यस्तै क्रसफायर ट्र्याकर २५० को मूल्य ४० हजार रूपैयाँ घटेको छ। यसअघि चार लाख १० हजार रूपैयाँ पर्ने यो बाइकको नयाँ मूल्य तीन लाख ७० हजार रूपैयाँ तोकिएको छ।