धनगढी । सामुदायिक बिकास मञ्च सिडिएफ नेपालले डोटीले १ सय ४० जना कृषकहरुलाई कृर्षि उपकरणका सामाग्री वितरण गरेको छ ।
जिल्लाको शिखर नगरपालिका वडा न ३ र ६ गरी १ सय ४० जना कृर्षकहरुलाई बि भिन्न कृषि सामाग्री तथा बर्षे तरकारी बालीका बिउहरु हस्तान्तरण गरेको हो ।
गुड नेवर्स इन्टरनेसनल नेपालको आर्थिक तथा प्राबिधिक सहयोग र सामुदायक बिकास मन्च (सिडिएफ) नेपाल डोटीको साझेदारी मार्फत सञ्चालित एकीकृत सामुदायिक बिकास परियोजनाले आफ्नो कार्यक्षेत्र भित्र पर्ने शिखर नगरपालिका भित्रका वडा न ३ र ६ मा तरकारी खेती गर्दै आएका ७ वटा कृर्षी समुहका १ सय ४० जना कृषकहरुलाई करिब ५ लाख बराबरको विभिन्न कृषीजन्य सामाग्री र बर्षे तरकारी बालीका बिउहरु हस्तान्तरण गरेको एकीकृत सामुदायिक बिकास परियोजनाका कृषी प्राबिधिक निरज बोगटीले बताए ।
कृषि सामाग्री तथा तरकारीका बिउहरु कृषहरुलाई हस्तान्तरण गर्दै गुड नेवर्स इन्टरनेशनल नेपाल डोटीका परियोजना संयोजक तेज प्रसाद शर्माले हस्तान्तरण गरिएको कृषि सामाग्री र बिउले थोरै भएपनी कृर्षकलाई राहत पुगेको बताए ।
कृषी सामाग्री तथा बिउहरु कृषकहरुलाइ हस्तान्तरण गर्दै नगर प्रमुख दिर्घ बहादुर बलायरले यो सहयोगले कृर्षकहरुलाई तरकारी खेती गर्ने हौसल्ला बढाएको र पालिकाले पनि कृर्षकहरुले उत्पादन गरेको तरकारीको बजारिकरण गर्नमा नगरपालिकाले सहयोग गर्ने बताए ।
साथै नगर प्रमुख बलायरले कृषि एम्बुलेन्स संचालन गर्ने र कर्षीउपज भण्डारणको लागि तुरुन्तै कोल्ड स्टोर स्थापना गर्ने पनि प्रतिबद्धता ब्यक्त गरे ।