एजेन्सी। महिनावारीमा महिलाहरूको शरीर सुन्निने र दुख्ने समस्या हुन थाल्छ । जसबाट आराम पाउनका लागि केही घरेलु उपायहरूको सहयोग लिन सकिन्छ । आउनुहोस् महिनावारीको दुखाइ कम गर्नका लागि गर्न सकिने केही घरेलु उपायहरूका बारेमा जानौं ।
खुट्टाको मसाज
खुट्टामा मसाज गर्नाले पनि महिनावारीका क्रममा कम्मरमा भइरहेको दुखाइ कम हुन्छ । खुट्टामा सम्पूर्ण शरीरको अकुप्रेसर पोइन्ट हुन्छ जसले गर्दा खुट्टाको मसाज गर्दा शरीरको दुखाइ पनि कम हुन्छ ।
अदुवाको सेवन
अदुवामा एन्टिअक्सिडेन्ट्स तत्त्व पाइन्छन्, जसले महिनावारीको बेला सुन्निने समस्यालाई कम गर्छ । तपाईं अदुवालाई पिसेर पानीमा उमालेर पिउन सक्नुहुन्छ वा अदुवाको चिया पनि पिउनु सक्नुहुन्छ ।
नुनले सेक्ने
नुनमा म्याग्नेसियम र सल्फेट पाइन्छ, जसले महिनावारीमा भइरहेको दुखाइ र सुन्निने समस्यालाई कम गर्न सहयोग गर्दछ ।
पानी धेरै पिउने
पानीको कमीले डिहाइड्रेसन हुन्छ, जसले गर्दा महिनावारीको दुखाइ झनै बढ्छ । साथै पानीले शरीरको टक्सिनलाई बाहिर निकाल्ने काम पनि गर्छ त्यसैले प्रसस्त मात्रामा पानी पिउनु महिनावारीको बेला झनै राम्रो हुन्छ ।
बेसार दूध
महिनावारीको बेलामा शरीर दुखिरहेको छ भने तपाईं दूधमा बेसार मिसाएर पिउन सक्नुहुन्छ । दूधलाई राम्रोसँग तताउनुहोस् र यसमा बेसार मिसाएर पिउनुहोस् । यसले पेट तथा कम्मरमा भएको दुखाइलाई कम गर्छ ।
लेभेन्डर तेल
लेभेन्डरमा कैयौं त्यस्ता पोषक तत्त्वहरू पाइन्छन्, जसले महिनावारीको बेला शरीर सुन्निएको तथा दुखेको कम गर्छ । लेवेन्डरको तेलले मसाज गर्नुहोस् यसले तपाईंलाई एकदमै फाइदा हुनेछ।