कञ्चनपुर । कञ्चनपुरमा लागूऔषधसहित दुईजना पक्राउ परेका छन्।
जिल्लाको बेलौरी नगरपालिका ६ बाट ०.३७ ग्राम लागूऔषधसहित सोही नगरपालिका वडा नम्बर-४ का २६ वर्षीय टेकबहादुर चौधरी मंगलवार राति पक्राउ परेका हुन्।
इलाका प्रहरी कार्यालय बेलौरीबाट खटिएको टोलीले चौधरीलाई लागूऔषधसहित फेला पारी पक्राउ गरेको जनाएको छ।
बुधवार बिहान लागूऔषधसहित एक भारतीय नागरिक पक्राउ परेका छन्। बेलौरी नगरपालिका-७ नकैयाबाट ९.७८ ग्राम लागूऔषधसहित पिलिभित भगवानपुरी थाना वेहला ग्राम भारतका ४० वर्षीय महेन्द्र सिंहलाई बुधवार बिहान पक्राउ गरेको इलाका प्रहरी कार्यालय बेलौरीले बताएको छ। यस सम्बन्धमा प्रहरीले थप अनुसन्धान गरिरहेको छ ।