काठमाडौं । भारतले नेपाललाई ९५ हजार मेट्रिकटन चामल निर्यातको अनुमति दिएको छ ।
भारतको वाणिज्य विभागले बुधबार एक सूचना जारी गरेर यस्तो जानकारी दिएको हो । भारतले राष्ट्रिय सहकारी निर्यात लिमिटेड मात्रै यस्तो चामल निर्यात हुन सूचनामा उल्लेख छ ।
भारतले खाद्यान्नको बढ्दो मूल्यलाई इंगित गर्दै गत साउनमा बासमतीबाहेकका चामल निर्यातमा रोक लगाएको थियो ।
भारतको उक्त नीति लगत्तै नेपाली बजारमा चामलको मूल्य बढेको थियो । उच्च मूल्यसँगै आपूर्ति श्रृङ्खला बिग्रने डरले उद्योग, वाणिज्य तथा आपूर्त मन्त्रालयले भारतलाई चामल निर्यात सहज बनाउन माग गर्दै पत्राचार पनि गरेको थियो ।
तर, सो आग्रहमा कुनै सुनुवाइ नगरेको भारतलाई मन्त्रालयले पुनः एक लाख मेट्रिकटन चामल उपलब्ध गराइदिन माग गरेको थियो ।
तर, नेपाली बजारमा नयाँ धानबाट चामल उत्पादन सुरु हुने बेलामा भारतले नेपालसहितका ७ देशका लागि बुधबारदेखि कोटा तोकेर चामलको निर्यात फुकुवा गार्ने निर्णय गरेको हो ।