उनले शुक्रबार फिल्मको नाम सार्वजनिक गर्दै निर्माण घोषणा गरेका हुन्। फिल्ममा अभिनेता सौगात मल्ल, विशाल खरेल र प्रमोद अग्रहरीको मुख्य भूमिका रहनेछ। अन्य कलाकार र निर्देशक केही दिनमा सार्वजनिक गर्ने निर्माण टिमले बताएका छन्। फिल्मको कथा प्रदीप भारद्धाजले लेखेका हुन्।
संजय न्यौपाने प्रोडक्सनको ब्यानरमा निर्माण हुने फिल्मलाई एलए ग्रुप अमेरिका र कमल खतिवडाको लगानी रहनेछ। फिल्मको छायांकन अर्को वर्षको असोजबाट गरिने निर्माता न्यौपानेले बताए।
फिल्म डार्क एक्सन जनरामा निर्माण हुनेछ। फिल्मलाई सौरभ लामाले छायांकन गर्नेछन्।