काठमाडौँ । चेल्सी लिग कप (कारबाओ) को सेमिफाइनलको पहिलो लेगमा पराजित भएको छ ।
मंगलबार राति भएको खेलमा चेल्सी मिडल्सब्रगसँग १–० गोल अन्तरले पराजित भएको हो ।
पहिलो हाफको ३७ औं मिनेटमा मिडल्सब्रगले गरेको १ मात्र गोल नै निर्णायक भयो ।
उसका लागि हेडन ह्याक्नीले गोल गर्दै अग्रता दिलाएका थिए । सोही अग्रता अन्तिमसम्म कायम राख्दै मिडल्सब्रगले पहिलो लेगमा जित निकाल्न सफल भयो ।
अब दोस्रो लेगको खेल जनवरी २४ मा हुनेछ । उक्त खेलमा कम्तिमा चेल्सीले २–० को जित निकाल्दा मात्रै फाइनल पुग्छ ।
बराबरी वा हारले भने चेल्सीको फाइनल खेल्ने सपना साकार हुने छैन ।
उता, मिडल्सब्रगले भने बराबरी वा जितले फाइनल पुग्ने छ ।
दोस्रो लेग २४ तारिखमा हुने छ ।
सेमिफाइनल अन्तर्गतकै अर्को खेलमा आज फुलह्याम र लिभपुल खेल्ने छन् ।