बैतडी बैतडीको सुर्नया गाउँपालिका ६ को दुदिलाखानमा जिप दुर्घटना हुँदा ४ जाना घाइते भएका छन् । खोडपेदेखि बझाङ बित्थडका लागि छुटेको से १ ज ५८४ नम्बरको जिप दुदिलाखान मोडमा आइतबार राति करिब ८ बजे दुर्घटना हुँदा ४ जना घाइते भएका हुन् ।
घाइते हुनेमा पाटन नगरपालिका वडा नम्बर ९ का राजेन्द्र बिजले, सिगास गाउँपालिका वडा नम्बर ९ का जनक बिष्ट, सिगास गाउँपालिका वडा नम्बर १ का जगदिश पन्त र सोही ठाउँ बस्ने कुरुणकर जोसी रहेको खोडपे प्रहरी चौकी बैतडीका प्रहरी सहायक निरीक्षक कृष्णभान चौधरीले जानकारी दिनुभयो ।
घाइते चारै जनाको उपक्षेत्रीय अस्पताल डडेल्धुरमा उपचार भइरहेको छ । गाडीमा चालक सहित ५ जना थिए । चालक महेश पन्त भने फरार भएका छन् ।जिप सडकबाट करिब १५० मिटर तल खसेको चौधरीले जानकारी दिनुभयो ।